Grootweurn (hoochdüütsch Großenwörden) is ene Gemeen in’n Landkreis Stood in Neddersassen mit . Grootweurn liggt an de Oost.

Geografie

Grootweurn liggt in de Masch von de Oost an’n Rand von dat Kedener Moor. An’n Noordwestrand von dat Grootweurner Rebeed münnt de Rönn in de Oost.

De Naveröörd sünd Hüll in’n Noorden, Doornbuschermoor, Theisbrüggermoor un Drochters in’n Noordoosten, Aschhoornermoor, Drochtersermoor un Gauensiekermoor in’n Oosten, Engelschopp un Neeland in’n Süüdoosten, Wisch in’n Süden, Lüttwöhrn, Heckthusen un Bornbarg in’n Süüdwesten, Basbeek un Sethlerhemm in’n Westen un Oosten, Olendörp un Rönndiek in’n Noordwesten.

Historie

Dat eerste Maal in de Oorkunnen kummt de Oort 1420 vör. Doch de Oort is woll düüdlich öller.

Vör 1885 weer Grootweurn in dat Amt Himmelpoorten. 1885 is dat Deel von’n Kreis Neehuus worrn, 1932 denn aver tohoop mit Neeland un Hüll na’n Landkreis Stood wesselt.

Inwahnertall

Politik

An’n 1. Juli 1972 is Grootweurn dör de Gemeenreform in Neddersassen Deelgemeen vun de Samtgemeen Himmelporten worrn. Disse Samtgemeen harr Bestand bet to’n 1. Januar 2014, as de Samtgemeen Himmelpoorten mit de Samtgemeen Olendörp to de Samtgemeen Olendörp-Himmelpoorten tohoopgahn is.

Gemeenderoot

+ Sitten in’n Gemeenraat Johr FWG 2006 7 2011 7 Börgermeester

Gemeendvörstahers:

1856–1862: Johann Hinrich von Holten 1862–1868: Ernst Friedrich von Rönn 1868–1873: Claus Hinrich Bammann 1874–1916: Johann Oelrich 1916–1933: Ernst von Rönn

Börgermeesters:

1933–1945: Gustav Schlichting 1945–1946: Heinrich von der Lieth 1946–1968: Hinrich Braack 1968–1991: Gerhard Doerksen 1991–2001: Erich Kahrs 2001–2006: Hubert von der Lieth siet 2006: Bernhard Witt

Wapen

Dat Wapen vun de Gemeen wiest op grönen Grund en Neddersassenhuus mit rood Steen un witt Fackwark. Neern löppt en sülvern Wellenbagen, de för de Oost steiht, un en Twieg vun’n Ellerbusch. Gestaltet hett dat de Heraldiker Horst Scheffler in’t Vörjohr 2001.

Kultur

In Grootweurn warrt jümmer an’n eersten Advent bi’n Grootweurner Hoff Wiehnachtsmarkt fiert.

Weertschop un Infrastruktur

Verkehr

De nächste Bahnhoff is in Himmelpoorten an de Nedderelvbahn von Cuxhoben na Hamborg, wat so bi acht Kilometer weg is.

Scholen

Grootweurn hett keen egen School mehr, de ole Volksschool is 1975 oplööst worrn. Op Haupt- un Realschool gaht de Kinner na de Porta-Coeli-School in Himmelpoorten, op Gymnasium na’n Gymnasialtwieg von de Porta-Coeli-School oder na de Vincent-Lübeck-School in Stood.

Ünnernehmens

In de Dörpstraat harr de Volksbank Stood-Cuxhoben en Filiaal, de an’n 28. April 2017 dichtmaakt hett.

Lüüd

De Travestiekünstlerin Lilo Wanders leevt in Grootweurn un de Pomoloog Eckart Brandt bedrifft dor en Appelhoff.

Footnoten

Weblenken

Websteed vun de Gemeen (hoochdüütsch)

Kategorie:Oort Kategorie:Landkreis Stood