QSO J0529−4351 (SMSS J052915.80–435152.0) is 'n kwasar 12 miljard ligjare van die Aarde af in die sterrebeeld Skilder. Dit is nie net die helderste een in sy soort nie, maar ook die helderste voorwerp wat nog waargeneem is. Die supermassiewe swartkolk in sy middel het 'n massa van sowat (17 miljard keer dié van die Son), en dit versamel sowat materiaal per dag.
Die kwasar is ontdek met die Baie Groot Teleskoop van die Europese Suidelike Sterrewag (ESO) in Chili en die ontdekking is op 20 Februarie 2024 aangekondig. Astronomers discover universe’s brightest object – a quasar powered by a black hole that eats a sun a day, The Guardian
Opsporing en identifikasie Die voorwerp self verskyn in beelde van die ESO wat terugdateer na 1980, maar dit is eers 'n paar dekades later as kwasar geïdentifiseer. Die outomatiese ontleding van data van die Gaia-ruimtesterrewag van die Europese Ruimtevaartorganisasie (ESA) vir 2022 het nie bevestig dat die voorwerp te helder was om 'n kwasar te wees nie en het voorgestel dat dit met 'n waarskynlikheid van 99,98% 'n ster was.
In 2023 is dit met behulp van waarnemings van die Siding Spring-teleskoop by die Siding Spring-sterrewag in Australië as 'n verafgeleë kwasar geïdentifiseer. Om egter te ontdek dat dit die helderste kwasar was wat nog waargeneem is, was 'n groter teleskoop nodig: die spektrograaf X-shooter by die Baie Groot Teleskoop in die Chileense Atacama-woestyn. Bykomende waarnemings is egter nodig om die moontlikheid van 'n gravitasielens definitief uit te skakel as 'n moontlike verklaring dat die kwasar so helder is.
Eienskappe Die kwasar se rooiverskuiwing is 3,962. Die voorwerp self behoort tot die radiostil kwasars. Sy totale bolometriese helderheid is 1048,37 erg per sekonde.
Verwysings
Skakels
Kategorie:Kwasars Kategorie:Skilder (sterrebeeld)